جہلم

ویلنٹائن ڈے غیر شرعی غیر اخلاقی دن ہے، اس دن کو منانا حرام ہے۔ سید عطاء اللہ شاہ بخاری

جہلم: ویلنٹائن ڈے غیر شرعی غیر اخلاقی دن ہے ، اس دن کو منانا حرام ہے یہ سراسر غیر اسلامی فعل ہے ،ویلنٹائن ڈے منانا ہماری تباہی و بربادی ہے اور بے حیائی کو فروغ دے کر اللہ اور اس کے رسولﷺ کو ناراض مت کیا جائے۔

ان خیالات کا اظہار معروف عالم دین سید عطاء اللہ شاہ بخاری نے ایک اجتماع سے خطاب کرتے ہوئے کیا، انہوں نے کہا کہ ویلنٹائن ڈے کا دن منانا حیاء کے سراسر منافی ہے اس دن عزت و شرافت کے جنازے نکلتے ہیں اور غیور و باشعور خاندانوں میں ماتم کی صفیں بچھ جاتی ہیں ویلنٹائن ڈے یوم محبت کے دلکش اور دلربا عنوان سے شیطانی عمل کو فروغ دیا جاتا ہے۔

انہوں نے کہا کہ غیر مسلم اقوام کے مخصوص و متعین تہوار کو مناکر ان سے مشابہت کا وبال نوجوان نسل اپنے سر پر نہ لے حضور ﷺ کا فرمان ہے جو شخص کسی قوم کی مشابہت اختیار کرے گا قیامت کے دن اس کا حشر اسی قوم کے ساتھ ہوگا، اس لئے امت مسلمہ ایسے دن منانے سے گریز کرے غیروں کے دنوں کو مناکر اپنی دنیا اور آخرت کو مت برباد کریں۔

انہوں نے کہا کہ اہل اسلام اور نوجوان نسل اسلامی اقدار و روایات کو زندہ رکھتے ہوئے مسلم معاشرے کوپروان چڑھائے ہماری آنے والی نسلوں کی عزت و حیاء کی بقاء صرف اور صرف اسلام کی روشن تعلیمات میں ہے ہمیں اپنے معاشرے سے تمام غیر اسلامی غیر اخلاقی غیر فطرتی رواجوں کوختم کرنا ہو گا۔

انہوں نے کہا کہ حکومت ویلنٹائن ڈے منانے پر سختی سے پابندی عائد کرے اسلام میں ہر دن محبت کا دن ہے، قدرت نے ہمیں جو رشتے دئیے ہیں ہر دن ہمیں ان رشتوں کی حیاء اور پاسداری کرنا ہوگی، ویلنٹائن ڈے کے دن مرد عورت کا بے حجابانہ ملاپ جہاں عورت کے ماتھے سے حیاء کا زیور لوٹ کر ذلت کا داغ لگاتا ہے وہاں پر مرد کے سر سے انسانیت کا تاج اتار کر اسے شرم سے جھکا دیتا۔

انہوں نے کہا کہ بدقسمتی سے چند سالوں سے 14فروری کو غیر مسلم اقوام کا تہوار ناجائز خواہشات کی تسکین و تکمیل کیلئے منانے کا جو اہتمام کیا جاتا ہے حکومت فی الفور ایسے اقدامات کو روکے ،قانون حرکت میں آئے یہ سراسر غیر اسلامی فعل ہے یہ دن معاشرے میں بے حیائی و شرعی مفاسد کو تقویت دینے کیلئے اغیار کا مسلط کردہ دن ہے والدین نوجوان نسل کو بے راہ روی سے بچانے کیلئے اپنا بھی فعال کردار ادا کریں۔

متعلقہ مضامین

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button