دینہاہم خبریں

سینیٹ کی انسانی حقوق کمیٹی نے صحافی ابصار عالم کے خلاف ایف آئی آر کے حوالے سے نوٹس لے لیا

دینہ: سینیٹ کی انسانی حقوق کمیٹی نے صحافی ابصار عالم کے خلاف تھانہ دینہ میں درج ایف آئی آر کے حوالے سے نوٹس لے لیا۔

اطلاعات کے مطابق کمیٹی نے ڈی پی او جہلم شاکر حسین داوڑ کو طلب کیا ہے۔ سینیٹر مصطفیٰ نواز کھوکھر کا کہنا تھا کہ پارلیمنٹ اپنی آواز اٹھاتی رہے گی لیکن آئین کے نگہبان اور شہریوں کے حقوق کے محافظ کے طور پر کیا اعلی عدلیہ بھی نوٹ کرے گی؟

یاد رہے کہ چند دن پہلے سینئر صحافی اور سابق چئیرمین پیمرا ابصار عالم کی ٹویٹس کو بنیاد بنا کر انکے خلاف ضلع جہلم کی تحصیل دینہ کے تھانہ میں غداری کا مقدمہ درج کیا گیا۔

ایف آئی آر میں الزام عائد کیا گیا کہ ابصار عالم نے افواج پاکستان اور وزیر اعظم پاکستان کے خلاف سوشل میڈیا پر ’انتہائی نامناسب زبان‘ استعمال کر کے ’دستور پاکستان کے آرٹیکل چھ کے تحت سنگین غداری‘ کا ارتکاب کیا ہے۔

یہ مقدمہ حکومتی جماعت تحریک انصاف کے حامی انصاف لائرز فورم کے ایک عہدیدار کی درخواست پر دینہ پولیس نے درج کیا، جس میں الزام لگایا گیا کہ ’سابق چیئرمین ابصار عالم نے ٹوئٹر اور دیگر سوشل میڈیا پر افواج پاکستان اور وزیر اعظم پاکستان کے خلاف انہتائی گھٹیا لینگویج استعمال کی ہے‘۔

متعلقہ مضامین

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button