جے یو آئی (ف) لیڈرسڑک سڑک گالیاں کھا کر خاصے مطمئن نظر آ رہے ہیں، فواد چوہدری
پنڈدادنخان: وفاقی وزیر سائنس و ٹیکنالوجی فواد چوہدری کا کہنا ہے کہ جے یو آئی (ف) کے لیڈر سڑک سڑک گالیاں کھانے کا لطف لیتے ہوئے خاصے مطمئن نظر آرہے ہیں۔
جو پذیرائ JUI کے دھرنوں کی ہو رہی ہے وہ انتہائ خوش آئند ہے، سڑک سڑک گالیاں کھانے کا لطف لیتے JUI کے لیڈران خاصے مطمن نظر آرہے ہیں، پہلا موقع نہیں پاکستان کے عوام نےشدت پسندوں کو بری طرح مسترد کیا، پاکستانی عوام کا شدت پسندی کیخلاف ردعمل روشن مستقبل کی امید ہے
— Ch Fawad Hussain (@fawadchaudhry) November 18, 2019
اپنی ٹوئٹ میں فواد چوہدری نے کہا کہ جے یو آئی (ف) کے دھرنوں کی جو پزیرائی ہورہی ہے وہ انتہائی خوش آئند ہے، سڑک سڑک گالیاں کھانے کا لطف لیتے جمعیت علمائے اسلام (ف) کے لیڈران خاصے مطمئن نظر آرہے ہیں۔
وفاقی وزیر کا کہنا تھا کہ یہ پہلا موقع نہیں جب پاکستان کے عوام نے شدت پسندوں کو بری طرح مسترد کیا، پاکستانی عوام کا شدت پسندی کے خلاف ردعمل روشن مستقبل کی امید ہے۔
ریپ کو بطور جنگی ہتھیار استعمال کرنے کی وکالت کوئ بھی شخص نہیں کر سکتا لیکن بھارتی جنرل سنہا نے ٹیوی پر بیٹھ کر جس ڈھٹائ اور بے حیائ سے کشمیری عورتوں کے ریپ کی بات کی اس نے ثابت کیا کہ وہ کس قدرنیچ اور گھٹیا سوچ کا مالک ہے، ہر شخص خصوصاً خواتین کو اس بیان پر شدید ردعمل دینا چاہئے
— Ch Fawad Hussain (@fawadchaudhry) November 18, 2019
فواد چوہدری نے کہا کہ کوئی بھی شخص جنسی زیادتی کو بطور جنگی ہتھیار استعمال کرنے کی وکالت نہیں کر سکتا لیکن بھارتی جنرل سنہا نے ٹی وی پر بیٹھ کر جس ڈھٹائی اور بے حیائی سے کشمیری عورتوں کے ریپ کی بات کی، اس نے ثابت کیا کہ وہ کس قدرنیچ اور گھٹیا سوچ کا مالک ہے، ہر شخص خصوصاً خواتین کو اس بیان پر شدید ردعمل دینا چاہیے۔
