جہلماہم خبریں

وزیراعظم کے ایک اشارے پر 5 پیاروں اوران کے چمچوں پر زمین تنگ کردیں گے، فواد چوہدری

وفاقی وزیرسائنس اینڈ ٹیکنالوجی فواد چوہدری کا کہنا ہے کہ وزیراعظم کے ایک اشارے پر ان پانچ پیاروں اور ان کے چمچوں پر زمین تنگ کردیں گے۔
سماجی رابطے کی ویب سائٹ پر ٹوئٹ کرتے ہوئے وفاقی وزیر فواد چوہدری نے آزادی مارچ والوں کو مخاطب کرتے ہوئے کہا کہ پی ٹی آئی حکومت کو کمزور سمجھنے کی غلطی نہ کرنا۔

وفاقی وزیر کا کہنا تھا کہ ہم اس لئے تحمل کا مظاہرہ کرتے ہیں کہ عمران خان نے یہ ہدایت کی ہے ورنہ ایک اشارے پر ان پانچ پیاروں ان کے چمچوں پر زمین تنگ کردیں اور انہیں کہیں چھپنے کی جگہ بھی نہیں ملے گی۔
آزادی مارچ کو حلوہ مارچ کا نام دیتے ہوئے وفاقی وزیر نے کہا کہ حلوہ مارچ کے دوسرے دن پشاور موڑ کے گردو نواح میں تعفن پھیل گیا ہے اور صفائی کے لئے سی ڈی اے کو کروڑوں روپے کا فنڈ مختص کرنا پڑ رہا ہے، کیا ہی اچھا ہو کہ پی ٹی آئی کے رضاکاروں کی طرح حلوے کھانے کے بعد صفائی کا انتظام بھی خود کریں۔

وفاقی وزیرسائنس اینڈ ٹیکنالوجی فواد چوہدری کا کہنا ہے کہ حلوہ مارچ کے دوسرے دن ہی بدبو سے پشاور موڑ کے گردو نواح میں تعفن پھیل گیا ہے، مارچ کے شرکاء حلوے کھانے کے بعد صفائی کا انتظام بھی خود کریں۔
سماجی رابطے کی ویب سائٹ پر ٹوئٹر پر اپنے ایک بیان میں وفاقی وزیر فواد چوہدری نے کہا کہ مارچ کے شرکاء صفائی کا انتظام بھی خود کریں جیسے کہ پاکستان تحریک انصاف کے رضاکار کرتے تھے کیونکہ سی ڈی اے کو صفائی کے لیے کروڑوں روپے کا فنڈ مختص کرنا پڑ رہا ہے۔

متعلقہ مضامین

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button