حکومت طالبات کو معیاری تعلیم فراہم کرنے کے لئے سہولتیں دے رہی ہے، ڈپٹی کمشنر سیف انور

0

سوہاوہ: ڈپٹی کمشنر جہلم محمد سیف انور جپہ نے اسسٹنٹ کمشنر سوہاوہ ذوالفقار احمد کے ہمراہ گورنمنٹ گرلز ہائی سکول پیل مرزا کا دورہ کیا۔

وہاں موجود طالبات میں مفت یونیفارم کی تقسیم کے حوالے سے منعقدہ تقریب میں انہوں نے بتایا ہے کہ حکومت پنجاب دور دراز علاقوں میں طالبات کو معیاری تعلیم فراہم کرنے کے لئے سہولتیں دے رہی ہے۔

انہوں نے کہا کہ ضلعی سطح پر سکول ایجوکیشن ڈیپارٹمنٹ اور اساتذہ کرام محنت کر رہے ہیں۔ یہ بیٹیاں قوم کا مستقبل ہیں، قوم کے معماروں کو اندھیروں سے نکلنے کے لئے جدید طرز پر مبنی تعلیم کی فراہمی کو یقینی بنانے کے لئے سی ای او ایجوکیشن سید مظہر اقبال مانیٹرنگ کر رہے ہیں۔

تقریب میں گورنمنٹ گرلز ہائی سکول پیل مرزا میں ڈپٹی کمشنر جہلم محمد سیف انور جپہ، اے سی سوہاوہ اور سکول انتظامیہ نے طالبات کو مفت یونیفارم تقسیم کیے اور انکو آگے بڑھنے کی تلقین دی۔

جواب چھوڑیں

آپ کا ای میل ایڈریس شائع نہیں کیا جائے گا.