بزم بلال عاشقان مصطفی راچڈیل کے زیرانتظام جامعہ مسجد بلال میں عظیم الشان میلاد کانفرنس کا انعقاد

0

راچڈیل: برطانیہ میں اسلام کے مثبت تشخص کو اجاگر کرنے اور بارہ ربیع الاول کی مناسبت سے راچڈیل کی جامع مسجد بلال میں بزم بلال عاشقان مصطفی کی جانب سے ایک روح پرور محفل کا انعقاد کیا گیا جس میں دس خوش نصیبوں کو قرعہ اندازی کے ذریعے عمرہ کے ٹکٹ دیے گئے۔محفل میلاد میں مرد وخواتین کی بڑی تعداد شریک ہوئی۔

اس موقع پر علامہ مفتی اکرام الحق نے اردو میں خطاب کرتے ہوئے فضائل اسلام اور میلاد کی محافل کے انعقاد اور بچوں کی تعلیم و تربیت کے حوالے سے اردو میں خصوصی لیکچر دیا۔ انھوں نے خطاب کرتے ہوئے کہا کہ حضورﷺ کی شان میں محفلیں سجانے والے بلاشبہ خوش نصیب لوگ ہیں یہاں پر شرکت کرنے والے پکے اور سچے عاشق رسولﷺ ہیں اگر آپ ساری رات نعتیں سنتے ہیں اور صبح کی نماز سے غافل ہو جاتے ہیں تو ایسی روحانی محفلوں میں بیٹھنے کا مقصد ختم ہوجاتا ہے نماز اسلام کا بنیاد ی رکن اور فرض کی گئی ہے اللہ اور دین سے دوری مسائل کا موجب بنتی ہے اللہ کے احکام پر عمل پیرا ہونے میں ہی ہم سب کی بھلائی ہے۔

میلاد النبی ﷺ کانفرنس کے حوالے سے امام حسنات احمد نے خصوصی خطاب کرتے ہوئے نوجوان بچوں کو اسوہ حسنہ اور حضور کی سیرت کے فضائل سے آگاہ کیا ۔محفل میں سید خالد حسین شاہ، سید الطاف کاظمی، حافظ غلام حسین قادری، شہباز سمیع، شہباز حسن قادری، طلحہ طارق، محمد صابر سردار، الحاج ساجد قادری اور پیر نعمان حیدر گیلانی نے گلہائے عقیدت کے نادر گلدستے حضور کی شان اقدس میں پیش کیے۔ جبکہ نقابت کے فرائض الحاج افتخار رضوی نے ادا کیے۔

شرکاء کا کہنا تھا کہ برطانیہ جیسے ملک میں میلاد مصطفی کی محافل اور اس میں مرد خواتین اور بچوں کی شرکت اس بات کی دلیل ہے کہ برطانیہ میں اسلامی ادارے اسلام کی خدمت میں اپنا بہترین کردار ادا کررہے ہیں۔ دیار غیر میں اسلام کی ترویج و اشاعت اور بچوں کی دینی تعلیم و تربیت کے لیے ایسی محافل کا کردار کلیدی ہے۔

جواب چھوڑیں

آپ کا ای میل ایڈریس شائع نہیں کیا جائے گا.