عوامی فلاح بہبود اور ضلع جہلم کی تعمیروترقی پر توجہ دے رہے ہیں، فواد چوہدری

0

پنڈدادنخان: وفاقی وزیر برائے سائنس اینڈ ٹیکنالوجی چوہدری فواد حسین نے گزشتہ روز پنڈدانخان میں حلقہ این اے67کے مکینوں کے اعزاز میں افطار ڈنر کا پرتکلف اہتمام کیا، موسم کی خرابی اور طوفانی بارش کے باوجود افطار ڈنر میں ہزاروں افراد نے شرکت کی ،فواد چوہدری نے حلقہ میں جاری اور شروع ہونے والے منصوبوں سے عوام کا آگاء کیا،تقریب میں اہل علاقہ سے تمام مکاتب فکر کے لوگوں نے شرکت کر کے فوادچوہدری پر اپنے اعتماد کا اظہار کر دیا۔

تفصیلات کے مطابق وفاقی وزیر چوہدری فواد حسین نے اپنے حلقہ کی عوام سے رابطہ بحال رکھنے کے سلسلے میں ماضی کے طرح ایک شاندار افطار ڈنر کا اہتمام گورنمٹ یامین باگڑی ٹیکنیکل کالج سے متصل گراؤنڈ میں کیا جس میں خرابی موسم کے باوجود اہلیان حلقہ کی بڑی تعداد سمیت تمام یونین کونسلوں سے نہ صرف پارٹی ورکروں ،عہداران،بلکہ سیاسی ،صحافتی ، عوامی ،سماجی ،رفاعی حلقوں سے لوگوں کی کثیر تعدادنے شامل ہوکر اپنے امیدوارسے دلی الفت اور ان پر اعتماد کا ثبوت دیا۔
اس موقع پروفاقی وزیر برائے سائنس اینڈ ٹیکنالوجی چوہدری فواد حسین نے خطاب کرتے ہوئے جاری اور مستقبل قریب میں شروع ہونے والے منصوبوں سے عوام کو تفصیلی آگاء کیا۔ انہوں نے کہا کہ ہم ماضی کے نمائندوں کی طرح تھانے کچہری کی سیاست پر وقت برباد کرنے کی بجائے عوامی خدمت پر یقین رکھتے ہیں، ہم عوامی فلاح بہبود اور ضلع جہلم کی تعمیروترقی پر توجہ دے رہے ہیں۔

انہوں نے کہا کہ پہلے نمائندوں میں اتنی اہلیت ہی نہیں تھی کہ اپنے حلقے کی پسماندگی اور مسائل کو حکومتی فورم پر بیان کر سکیںاگر وہ اہل ہوتے تو یہ علاقہ کھنڈر نہ ہوتا،ہمارا شروع کیا ہوا جلالپور سے کندوال نہر کا منصوبہ اس علاقے کی قسمت بدل دے گا،یہ منصوبہ ایک سنگ میل ہے جس پر جلد کام شروع ہو جائے گا،اور اس کا سنگ بنیاد وزیر اعظم خود کریں گے۔
فواد چوہدری نے کہا کہ للِہ ٹاؤن سے جہلم تک ون وے روڈ کی تعمیر،حلقے کے سوئی گیس سے محروم تمام علاقوں میں گیس لائن بچھانے کا کام ،تحصیل پنڈدادنخان کی تمام لنک روڑ کی تعمیر کا کام ،کھیوڑہ میں اسٹیڈیم کی تعمیر،سالٹ مائن سمیت دیگر اداروں کے غریب مزدوروں کے لئے تیار گھروں کا منصوبہ،پنڈدادنخان میں یوای ٹی کی بجائے نیوٹیک (نیشنل یونیورسٹی آف ٹیکنالوجی) کی برانچ شروع ہو ،اس ضمن میں آرمی چیف صاحب سے بات چیت چل رہی ہے ،دعا کریں کہ اس یونیورسٹی کا قیام ممکن ہو اس سے نہ صرف جہلم بلکہ خوشاب،منڈی ،چکوال ضلع کی طلباء بھی مستفید ہونگے۔

انہوں نے کہا کہ یونین کونسل کی سطح پر پی سی ایس آئی آر ادارے کی شاخین بھی قائم کی جائیں گی جو سکل ڈیوپلمنٹ کا کام کرینگے اور طلباء کو ہنر مند بنا کر روزگار فراہم کیا جائے گا ۔مقامی فیکٹریوں اور اداروں میں تعلیم یافتہ بے روز گاروں کے لیے روز گارسکیم سمیت تمام دیگر منصوبوں پر جون کے بعد کام شروع ہوجائے گااس کے ساتھ ساتھ صحت اور تعلیم پر خصوصی توجہ دی جا رہی ہے،ضلع بھر میں بنیادی مراکز صحت اور سول ہسپتال میں نئے72ڈاکٹرز بھرتی کیے گئے ہیں۔
وفاقی وزیر نے مزید کہا کہ کوئی شبہ نہیں ملک اس وقت معاشی بحران کا شکار ہے لیکن یہ عاضی ہے،20بلین کا مالی خصارہ گزشتہ حکومتوںکی جانب سے ملا ہے جسے پورا کر رہے ہیں ،ماضی میں قومی اداروں کو گروی رکھ کر قرضہ لیا گیا جو انتہائی شرمناک ہے ہم انشاء اللہ بحران ختم کر کے اس چیلنج ہو پورا کریں گے۔

جواب چھوڑیں

آپ کا ای میل ایڈریس شائع نہیں کیا جائے گا.