جہلم

جہلم میں پی ٹی آئی کا جلسہ، فواد چوہدری سمیت رہنماؤں کی شرکت

جہلم: شاندار چوک میں پی ٹی آئی کا عظیم الشان جلسہ، سابق وفاقی وزیر چوہدری فواد حسین ،ضلع جہلم کے صدر چوہدری غلام احمدزمرد، جنرل سیکرٹری چوہدری فراز احسین ،سابق صدرچوہدری زاہداختر ،چوہدری ندیم افضل بنٹی ،راجہ سجیل ظفر کیانی سمیت ضلع بھرکے لیڈران نے شرکت کی۔

گزشتہ روز جلسہ کے لیے افطاری کے فورا بعد ہی نوجوانوں کی آمد شروع ہو گئی تھی۔ جلسہ کا وقت نو بجے کا تھا لیکن لوگوں کی ایک بڑی تعداد شام ہوتے ہی شاندار چوک میں اکٹھی ہو گئی اور حکومت کے خلاف نعرے بازی کرتے رہے ۔


جلسہ کا عروج تب ہوا جب چوہدری فواد حسین ایک بڑی تعداد میں لوگوں کے ساتھ شاندار چوک میں پہنچے تو شاندار چوک امپورٹڈ حکومت نہ منظور، لوٹے نہ منظور ،چور اچکے نہ منظور، کے نعروں سے گونج اٹھا جلسہ میں ضلع جہلم کی خواتین کی بڑی تعداد نے شرکت کی۔

شاندار چوک میں سٹیج کے ساتھ کراچی میں ہونے والے سابق وزیراعظم عمران خان کے جلسے کو دیکھانے کے لیے بڑی سکرین لگائی گی تھی۔

جواب دیں

آپ کا ای میل ایڈریس شائع نہیں کیا جائے گا۔

Back to top button